Gilaraw sa Department of Health nga e-ban sa paggamit sa vape o electronic cigarettes tungod sa hulga niini sa panglawas sa publiko.
Gibutyag ni OIC-Director III sa DOH Health Promotion Bureau Dr. Dominic Maddumba nga tuyo niini nga ipahunong ang paggamit sa vape tungod sa delikadong epekto niini sa kalawasan.
Apan kung dili mapatuman ang total ban, gisugyot sa DOH nga mupatuman sa hugot nga regulasyon sama sa pagtangtang sa mga flavors tungod kay mao kini ang makapaingganyo sa mga kabatan-onan nga mag gamit.
Mahinumduman nga una nang nagpahibalo ang DOH sa dautang epekto sa pagpanigarilyo sama sa mga dagkadaiyang sakit, ug gibutyag nga padayon ang ilang pagbuhat sa mga lakang aron sa pag protekta sa tinibuk-ang panglawas sa publiko ilabi na sa kabatan-onan.
