Mitambong si Vice President Sara Duterte sa preliminary hearing sa Department of Justice (DOJ) aron ipresentar ang iyang counter-affidavit sa mga reklamo nga gi-akusar kaniya sama sa “grave threats” ug “inciting to sedition” nga gisang-at batok kaniya sa National Bureau of Investigation (NBI).
Nagsumikad ang maong kaso sa iyang pamahayag gilusad nga online press briefing niadtong Nobyembre 2024, diin siya nag-ingon nga kung siya ipapatay, adunay usab kini laraw nga mag hire sa tawo nga mopatay kang Presidente Ferdinand Marcos Jr., First Lady Liza Araneta-Marcos, ug House Speaker Martin Romualdez.
Si Duterte, uban sa ilang legal team, nangusog nga wala siyay kalapasan sa balaod, ug wala’y ebidensya nga nagpalig-on sa mga akusasyon batok kaniya.
Ang sunod nga preliminary investigation sa DOJ gitakda sa Mayo 16, apan dili na kinahanglan nga motambong si Duterte sa maong hearing.
Ang preliminary investigation gihimo sa DOJ aron matino kung aduna bay probabble cause o ebidensya aron ipasaka ang pormal nga kaso batok kang Vice President Sara Duterte.
Sa maong proseso, ang duha ka partido—ang nagpasaka sa reklamo ug ang gireklamo—mohatag sa ilang mga argumento ug ebidensya.
