Gipadayag ni Vice President Sara Duterte ang paglaom nga magpadayon ang Presidential elections sa 2028 ug kini mahitabo nga matinud-anon, hapsay ug malinawon.
Matod ni VP Sara Duterte nga gipahimutang na niya ang kaugalingon isip “presumptive candidate” human gibutyag ang intensyon nga modagan sa pagka-Presidente sa umaabot nga eleksyon.
Gipunting usab sa Bise Presidente nga importante nga masiguro ang maayong proseso sa 2028 elections uban sa pag-ampo alang sa malinawon nga transisyon sa gahum.
Mahinumdoman nga niadtong Pebrero gipahibalo na ni VP Sara ang plano nga modagan samtang nagpakita usab sa pipila ka surveys nga naa siya sa taliwala sa mga posibleng presidential contenders. (phillip ariata)
