Gipatubag ni Vice Pres. Sara Duterte ang liderato ni Armed Forces of the Philippines chief of staff Gen Romeo Brawner Jr kung nganong pakyas nila mahatagan sa proteksyon si kanhi Pres Rodrigo Duterte.
Kini human unang gipamugos ni VP Sara nga dakong illegal ang pagdakop sa Philippine National Police kang Duterte gamit ang arrest warrant sa International Criminal Court sulod sa Ninoy Aquino International Airport Terminal 3 sa Pasay City sa miaging Marso 11.
Miingon si Inday Sara nga ubos sa balaod, ubos sa superbisyon sa AFP ang Presidential Security Command nga unta mohatag sa hugot nga seguridad alang sa kanhi mga presidente sa nasud.
Si VP Sara ang adopted member sa Philippine Military Academy Maharlika Class of 1984 ug Philippine National Police Academy Tagapagkalinga Class of 1991.
Aktibong member sa Philippine Coast Guard Auxiliary ug Armed Forces of the Philippines Army Reserve Command.
