Gibulgar ni Vice Pres Sara Duterte ang iyang gitoohang rasones kon nganong gihingusgan sa administrasyon ni Pres Bongbong Marcos nga makasuhan siya sa kasupakan sa Anti-Terrorism Law sa husgado.
Kini human sakyi sa Malakanyang ang gisulti ni VP Sara nga patyon si Marcos kon unsa pu’y iyang dangatan gumikan sa pakigbatok sa daghang kapalpakan sa administrasyon.
Miingon si Duterte nga kabahin sa tuyo sa maong pagkaso bato kaniya nga makanselar ang iyang pasaporte,magka-red notice sa international community ingon man handusan sa mga pasangil nga nagsupak sa Anti-Money Laundering Council.
Dili usab imposible nga isyuhan kini sa daghang search warrants aron sudlon ug posibleng tamnan sa mga kontrabando nga may kalabutan sa kasupakan sa maong balaod.
Hisayrang ang maong balaod,napalig-on mismo sa panahon sa amahan ni VP Sara nga si kanhi Pres Rodrigo Duterte sa miaging katuigan.
