Lig-ong articles of impeachment ang ipasa sa House Committee on Justice sa plenaryo batok Vice President Sara Duetret.
Kini ang gibarugan ni House Justice Committee Chairman Gerville Luistro sa iyang opening statement sa ilang sesyon, ning adlaw.
Lakip sa gihuptan nga walo ka ebidensya sa komitiba ang:
(1) testimonya ni Ramil Madriaga kalabot sa kuwestiyonabli nga pag-disburse sa ₱125M confidential funds sulod sa 24 oras
(2) ang mga misteryosong envelope ug mga kuwestiyonabli nga resibo
(3) ang pagpasabot sa National Bureau of Investigation (NBI)
(4) Ang sertipikasyon sa Philippine Statistic Authority (PSA) ng walay record ang mga ngalan sama sa Mary Grace Piatos
(5) Ang Commission on Audit Findings (COA) nga nagmando nga e-refund ang P73-Milyon confidential fund (2022) nga-disallow sa 2022, ug ang notice of disallowance (2023) alang sa confidential funds sa Office of the Vice President nga tag-₱125M, o kinatibuk-ang ₱375M
(6) Ang report sa Anti-Money Laundering Act (ALMC) kalabot sa P6.7 Billion nga transaction gikan 2006–2025 nga gikalambigitan ni VP Duterte ug sa iyang kapikas nga si Atty Mans Carpio
(7) Ang mga nadiskobrehan ni kanhi Senador Antonio Trillanes IV nga ang salapi sa magti-ayon posibleng nagsumikad sa drug money ug mitugma ang iyang pahayag sa findings ug data nga gihuptan sa AMLC, ug
(8) ang mga dokumento gikan sa Security and Exchange Commission (SEC) nga nagpamatuod nga walay kinitaan ang mga kompanya nga girehistro ni VP Duterte ug gidungan niya ang pagnegosyo samtang naghupot sa taas nga posisyon sa gobyerno.
Hisayran nga paspas na adjourned ang sesyon sa komitiba human unanimous ang desisyon nga ipasa ang articles of impeachment sa plenaryo sa House of Representatives.
Oras nga maka-abot sa plenaryo ang mga miyembro sa Kamarabaha magbotar kung i-endorso ba nila ang impeachment case ngadto sa Senado.
Kung makakuha sa igo nga ihap sa boto, o one-third sa tanan nga miyembro sa House, ang Articles of Impeachment ipasa sa Senate, ug didto magsugod ang impeachment trial.
Ang Senado ang molihok isip impeachment court, nga magdungog sa ebidensya ug magdesisyon kung guilty ba ang opisyal nga gi-impeach.
