“Generally peaceful” ang kinatibuk-ang dagan sa White Ribbon Movement March nga gipahigayon kagahapon gikan sa EDSA Shrine padulong sa People Power Monument.
Matod ni Police Major Hazel Asilo, tigpamaba sa National Capital Region Police Office o NCRPO, hapsay ug kontrolado ang paglihok sa mga partisipante sa tibuok kalihukan.
Wala usab matala ang bisan unsang dagkong insidente o kagubot atol sa maong martsa.
Hinuon, adunay pipila ka mga partisipante nga nakasinati og medical emergencies sama sa pagkalipong ug pagsaka sa alta-presyon, nga gituohang tungod sa grabeng kainit sa panahon.
Sa kinatibuk-an, gideklara sa NCRPO nga malinawon ang nahitabong White Ribbon Movement March gikan sa pagsugod hangtod sa pagtapos niini. (JANE ABULAG)
