CAGAYAN DE ORO CITY – Masaligon ang Cagayan de Oro Water District o COWD nga makakab-ot sa ‘win-win’ solution ang ilang pakigtagbo sa kadagkuan sa Cagayan de Oro Bulk Water Incorporated o COBI ning adlawa.
Kini may kalabutan sa minilyong payable dispute nga gisingil sa COBI apan gibalibaran usab sa COWD sa panubig sa dakbayan.
Miingon si COWD General Manager Engr Antonio Young nga unta managsama nga i-konsidera sa duha ka panig ang interes sa katawhan.
Namugos si Young nga walay utang ang COWD sukwahi sa gustong singlon sa COBI nga sobra 400 milyones pesos nga bayrunon.
Samtang angayang dunay bayran ang COWD apan dili tanan sa gipaningil sa COBI nga halos tunga sa bilyon ka pesos nga bayrunon sa nahatag nga panubig sa dakbayan.
Kini ang pagpasabot ni kanhi COWD chairman of the board Joel Baldelovar nunot sa wala pagsinabot sa duha ka panig pag-abot sa maong isyu.
Namahayag si Baldelovar nga dunay basehan ang COWD paghangyo kay tinud-anay usab nga naigo ang kalibutan sa pandemya sa COVID-19.
Apan angay usab dumdumon sa COWD nga dili na protektado sa state of public health emergency ang ubang bahin sa COBI payables kay giwagtang na kini ni Pres Bongbong Marcos sugod Hulyo 2023.
Sa pikas bahin,gihulat na ni City City Mayor Rolando ‘Klarex’ Uy ang official report sa gitukod nga task force water distribution nga iyang gisugo pag-utingkay sa legalidad sa kontrta tali COWD ug COBI.
Kini human milusad sa magkalahi nga imbestigasyon ang committee of the whole ni Kag. Edgar Cabanlas ug fact finding sub-committtee ni Kag. James Judith epekto sa bahad sa COBI nga putla’g tubig ang syudad.
Namahayag ang opisyal nga tipik sa iyang gisupak ang probisyon sa kontrata nga kada-tulo ka tuig dunay ipatuman nga water rate increase ngadto sa katawhan.
