CAGAYAN DE ORO CITY – Dili pugngan apan suportahan ni Phividec administrator Atty Joseph ‘Cid’ Bernedo nga mosulod sa politika ang iyang kapikas nga kamanghuran nga igsoon nila ni Pres Bongbong,Senador Imee ug Irene Marcos.
Kini ang tubag ni Bernedo nunot sa pangutana kon uyon ba siya nga pasudlon sa politika ang iyang kapikas dinhi sa syudad sa sunog tuig nga piliay.
Apan giklaro sa administrador nga igo lang kini pagsuporta ug mismo maggikan sa iyang kapikas nga si Emmy Marcos ang pinal nga hukom kon mosulod sa politika.
Samtang dili balibaran ni presidential sister Aimee Romualdez Marcos nga sudlan ang politika apan sa kondisyon nga dunay direktang pagtugot sa ilang pamilya.
Kini ang naunang tubag sa kamanghuran ni Pres Bongbong Marcos sa pangutana kon may tsansa nga mosundog siya sa duha niya ka igsoon nga aktibo sa politika.
Giklaro ni Aimee kinsa city hall consultant ning syudad nga kon siya’y pagbut-on,gusto niya layo sa politika ug mata sa publiko kay wala kini maanad.
Hisayrang mas gipili ni Aimee nga mopuyo dinhi sa syudad kaysa didto sa kauluhan kay taga-dinhi ang iyang bana Bernedo.
