CAGAYAN DE ORO CITY – Misaka pa sa 11 ka paring Katoliko nga gilakipan sa siyam ubos sa Archdiocese sa Cagayan de Oro ug laing duha nga taga-laing lugar nga positibo sa COVID-19 dinhi sa dakbayan.
Kini human nangatakdan ang maong mga pari bisan sa pagmaampingon batok sa bayrus sukad sa miaging semana.
Gibutyag ni Msgr Rey Monsanto,head sa Archdiocese sa Cagayan de Oro Task Force on COVID-19 nga pito sa siyam ka pari dinhi sa syudad ang gitakda na e-discharge gikan sa mga ospital diin sila nangadala.
Gibutyag ni Monsanto na nangayo pa gihapon sila sa pag-ampo sa mga parokyano ilabina nga duha sa ilang mga pari ang dili pa stable ang kahimtang human takbuyi sa bayrus.
Hisayrang duha sa mga naigo nga pari sa bayrus mao sila si Msgr Perceus Cabunoc sa Sr Jesus Nazareno Parish ug Msgr Tex Legitimas sa San Isidro Labrador Church ning syudad.
