Nahagsa ang usa ka gamay’ng eroplano sa lungsod sa Tomblaine, France, nga nagresulta sa pagkamatay sa tanang 11 ka tawo nga sakay niini, lakip ang piloto ug 10 ka parachutists.
Nahitabo ang insidente kagahapong Domingo sa buntag duol sa Nancy-Essey Aerodrome, atol sa usa ka skydiving activity nga gitambongan usab sa mga pamilya sa mga biktima.
Base sa Report walay natalang naigo nga hinulogan sa eroplano sa mga duol nga pinuy-anan, busa walay laing residente nga nadamay o naangol.
Sa pagkakaron, nagpadayon ang pormal nga imbestigasyon sa mga awtoridad aron matino ang hinungdan sa maong aksidente.
Samtang, naghatag na og psychological support ang lokal nga gobyerno sa mga pamilya ug mga saksi nga naapektuhan sa insidente. (jane abulag)
