Pakyas nga makabalik sa pagtungha ang dose ka mga tinun-an nga samaran sa in-campus shooting sa San Jose National High School sa Tacloban City, Leyte.
Subay sa report, padayong nagpa-alim ang mga magtutungha sa hospital human nakahi-agom sa samad-pinusilan gikan sa duha ka minor de edad nga armadong nangluthang sulod sa tunghaan niadtong Hunyo 22.
Subay sa lab-as nga data gikan sa Department of Education, anaa na sa “stable to recovering condition” ang mga estudyanteng gi-admit sa ospital human sa insidente.
Padayon nga gi-monitor ang kahimtang sa matag estudyante. Mao kini ang ilang kasamtangan nga sitwasyon:
- Learner 1 — nagpabilin sa Intensive Care Unit (ICU), conscious ug coherent, ug nagsugod na sa soft diet.
- Learner 2 ug 3 — conscious, coherent, lig-on ang vital signs, ug posible nang makagawas sa ospital.
- Learner 4 — padayon nga nag-ayo.
- Learner 5 — conscious, lig-on ang vital signs, ug anaa sa recovery stage.
- Learner 6 — nahuman na ang operasyon, conscious ug coherent.
- Learner 7 — padayon nga nag-ayo.
- Learner 8 — nakagawas na sa ospital.
- Learner 9 ug 10 — nahuman na ang operasyon.
- Learner 11 — gi-tambalan sa minor Operating Room (OR).
- Learner 12 — nakagawas na sa ospital.
Samtang, gisiguro sa DepEd nga padayon ang ilang pakig-koordinar sa mga ospital ug pamilya sa mga apektadong estudyante aron masiguro nga makadawat sila sa gikinahanglan nga tabang ug suporta samtang nag-ayo.
