CAGAYAN DE ORO CITY, Philippines – Misaka pa sa 145 ka tawo ang patay sa pag-igo sa Bagyong Kristine sa Pilipinas. Namahayag ang National Disaster Risk Reduction and Management Council (NDRRMC) nga posibleng madugangan pa ang maong ihap ilabe nga pabiling 37 ang missing.
Mi-angkon si Army Col. Ronald Sarmiento, Executive Officer sa Office of the Army Chief Public Affairs (OACPA) nga nagkalisud ang ilang kasundaluan sa pagtabok sa mga lugar nga puno sa lapok, ug lisud maagian ang dalan.
Samtang nagsaka ang ihap sa mga namatay, dugang kalbaryo sa NDRRCM, OCD ug sa tanan recue team sa AFP, BFP ug PCG ang pag-igo sa super typhoon Leon sa Batanes, Nothern ug Easter porsyon sa Luzon.
Gawas niini, nag-unang mandato ni Presidente Ferdinand Marcos Jr., ang commander-in-chief sa Armed Forces of the Philippines, nga dili undangan ang relief ug rescue efforts hangtud sa makabalik na sa tagsa-tagsa ka mga puy-an ang survivors sa Bagyong Kristine ug Super Typhoon Leon.
