Miabot sa Department of Justice si Atty. Levito Baligod uban ang pipila sa 18 ka bodyguards karong adlawa.
Matod ni Atty Baligod, tuyo sa ilang pag-adto nga makapanumpa sa counter-affidavit nga ipasa sa San Fernando City Prosecutors sa La Union.
Gipasabot niini nga sa DOJ na lang nila kini gihimo aron ipadala pinaagi sa sulat o via mail ang kopya sa dokumento nga ipasa sa piskalya sa umaabot nga Lunes.
Ang pagsumiter sa kontra-salaysay nagsumikad sa reklamo nga cyber-libel ug libel nga gisang-at ni La Union Rep. Paolo Ortega batok kanila, ug kini may kalabotan sa alegasyon sa pagdawat sa maleta.
Naglaum ang kampo sa mga bodyguards nga mabasura ang tanang kaso sa libel nga gisang-at sa gawas sa hurisdiksyon sa Quezon City Prosecutors Office.
