Gibana-bana sa UNESCO nga mukabat og 2.4 milyon ka mga batang babaye sa Afghanistan ang wala makapadayon sa sekondaryang edukasyon sukad sa pagbalik og dumala sa Taliban sa nasod niadtong tuig 2021.
Matod ni UNESCO Program Coordinator Hoda Jaberian, misaka kini og 200,000 kumpara sa miaaging school year.
Hisayran nga ang Afghanistan, mao lamang ang nasod diin pormal nga gidid-an ang mga babaye ug batang babaye sa pagsalmot sa tunghaan sa sekondarya ug high education.
Gipasidaan usab sa UNESCO nga ang maong pagdili mahimong mosangpot sa dugay nga pagkawala sa potensyal, mas lawom nga kapobrehon, ug posibleng 600,000 ka mga Afghanong babaye ang mobiya sa trabahoan.
