(Update) CAGAYAN DE ORO CITY – Naka-kustodiya na sa detention facility sa Cagayan de Oro City Police Office o COCPO ang duha ka akusado nga gitudlong maoy mipusil-patay kang 2023 Mr. Cagayan de Oro candidate Adriane Fornillos sa bisinidad sa Brgy Nazareth niadtong Mayo 9,2023.
Kini subay sa kompirmasyon sa Pagadian City Police Station nga unang mihapa-hapa sa lokasyon sa mga akusado ayha ang pagsilbi sa court arrest warrant nga bitbit sa Cagayan de Oro City Police Office/ COCPO gikan sa Regional Trial Court Branch 17 ning syudad.
Gibutyag nga miagi sa igong pag-dokumento ang mga dinakpan sa PCPS ayha gitugyan sa COCPO aron madala ning syudad alang sa pag-presentar niini sa korte sunod semana.
Nagdumili na usab ang PCPS nga mohatag sa pa sa dugang impormasyon kabahin sa mga kalihukan sa mga dinakpan.
Dumduman nga ang duruha gitudlo sa subling imbestigasyon sa kamatayon ni Fornillos gumikan sa kalit pagpatim-aw sa usa ka nagpailang testigo sa abogado sa pamilya niini sa miaging mga bulan.
Hisayrang kabahin sa naligsan na sa maong murder case mao ang duha ka pastor nga giingong ka-relasyon sa babaye nga hinigugma ni Fornillos kay naakusahan sila nga apil sa pagpatuman sa kremin apan kusganon nila kini gihimakak.
