CAGAYAN DE ORO CITY, Philippines – Pulos mi-entrag “guilty” sila Eric Fleming, 54 anyos ug Kenneth Iwamasa, 59 anyos sa arraignment sa ilang kaso kalabot “drug overdose case ni Hollywood TV Actor Matthew Perry.
Kagahapon, dugang criminal charges ang gisang-at sa sala ni Atty Martin Estrada, United States Attorney sa Central District of California.
Lakip sa gikasuhan ang duha ka doktor ni Perry nga sila Dr. Salvador Plasencia, 42 anyos, ug Dr. Mark Chavez, 54.
Lakip gipasak-an sa kaso ang gibansagan nga “The Ketamine Queen,” nga si Jasveen Sangha, 41 anyos kinsa naila nga higala ug supplier ni Perry sa ketamine.
Susamang kaso usab ang gi-file batok sa live-in assistant sa actor nga si Kenneth Iwamasa, 59, ug Eric Fleming, 54 anyos, kinsa miangkon nga siya ang nagsupplay sa drugas nga maoy mipatay sa aktor. Si Dr Plasencia maoy nag-administrar sa paghatag sa druga kang Perry.
Samtang si Dr Chavez maoy tigsupply sa Ketamine kang Dr Plasencia.
Ang ketamine usa ka klase sa druga nga kasagaran itambal sa mga tawong dunay depression, apan kung mu-resulta sa drug overdose mahimo kining ikamatay sa tawo sama sa nahitabo kang Perry Oktobre 2023.
