CAGAYAN DE ORO CITY – Detinado ang drayber sa ten-wheeler truck nga kargado sa container van kay namatay ang duha sa tulo ka estudyante dihang mibangga ang gisakyan nila nga Toyota Hi-Lux sa highway sa Purok 7,Brgy Taytay,El Salvador City,Misamis Oriental kaganihang buntag.
Subay sa inisyal nga imbestigasyon sa El Salvador Police Station nga padulong sa Cagayan de Oro ang direksyon sa Hi-Lux gikan sa Iligan City dihang mikawat kini sa dalan rason nasugat ang trak de karga.
Tungod sa kakusog sa impact, dead on the spot ang duha pulos minor de edad ang mga biktima samtang ang laing tulo, gidala sa duha ka ospital sa dakbayan.
Dugang sa imbestigasyon nga naglisod pa’g likay sa trak tungod sa kakusog sa sakyanan sa mga biktima nga nasuta nga pulos tinun-an gikan sa Iligan City.
Sa pagkutlo ning balita, gihikay pa ang mga dokumento sa hitabo kon angay kasuhan drayber nga detinado nga gibanggaan sa mga biktima.
