Patay ang duha ka tawo ug lima ang naangol human sa pagpamusil atol sa Salsa on St. Clair Festival, usa ka tinuig nga Latin music festival sa Midtown Toronto, Canada.
Kasamtangang gipangita karon sa Toronto Police ang mga responsable sa insidente ug ingong wala pa silay gipadayag nga detalye bahin sa suspek, o motibo niini.
Giawhag usab sa kapulisan ang publiko nga likayan ang maong lugar ug sundon ang ilang mga mando samtang nagpadayon ang imbestigasyon.
Hisayran nga gipahayag usab ni Canadian Prime Minister Mark Carney ang iyang kabalaka sa maong insidente ug mipadayag og pagdasig sa kapulisan, samtang naghatag usab og pahisubo ngadto sa mga pamilya sa mga biktima.
