CAGAYAN DE ORO CITY – Patay ang duha ka tawo samtang upat ang kritikal sa panagbangga sa Pabama bus ug motor sidecar sa Brgy. Kabulawan, Lagonglong, Misamis Oriental.
Gibutyag ni Lagonglong Police Station commander Police Capt. Marlou Lañoso nga kalit miliko ang motor sidecar nga gimaneho ni Efren Cabigon, taga Riverside Salay,Misamis Oriental busa nabanggaan sa bus nga gimaneho usab ni Raymond Mendoza, 48 ug residente sa Gingoog City.
Dead on the spot si Cabigon samtang nakabsan usab sa iyang hinulamang kinabuhi sa ospital si Anecita Juridico, 50 anyos nga taga Davao City.
Gitambalan pa ang laing tulo pa ka pasahero sa motor sidecar nga anaa sa talandugon ang kahimtang sa magkalahing ospital ning syudad.
