Misaka pa sa 20 ka tawo ang nakalas tungod sa ulan nga gipakusog sa Habagat ug pag-igo sa Bagyong Inday.
Kini ang gi-anunsyo sa Office of Civil Defense (OCD) ug laing 13 ang missing.
Mahinumduman nga gipakusog sa Bagyong Inday ang ulan nga dala sa Habagat, kundiin nagresulta kini sa kalit nga pagbaha sa Malapatan, Sarangani, Lanao del Sur ug Bukidnon.
Namahayag si OCD Deputy Administrator Asec. Bernardo Rafaelito Alejandro IV, kasagaran sa pagkamatay tungod sa landslide nga dala sa grabe nga ulan. Posible usab nga ang linog nga magnitude 7.8 sa Mindanao niadtong Hunyo 8 nakaluwag sa yuta ug nagpasamot sa peligro sa pagdahili.
Aduna pay mga missing persons nga gina-validate pa ug pipila ka samaran nga gi-report apan gamay ra ang ihap niini. Ang epekto sa bagyo ug habagat mi-apektar sa kapin 112,000 ka pamilya gikan sa 404 ka barangay sa Region 2 hangtod sa BARMM ug Zamboanga. Sa pagkakaron, 77 ka evacuation centers ang gipasilongan sa 2,900 ka pamilya o hapit 11,000 ka indibidwal. Samtang 7,000 ka pamilya nagpabilin sa gawas sa evacuation centers ug ginasubay sa mga awtoridad.
Ania ang ihap sa mga namatay:
Jose Abad Santos, Davao Occidental – 1 patay (pinakabag-o nga kaso)
Missing: 13 pa ang wala pa makit-i, kasagaran gikan sa Jose Abad Santos (Davao Occidental), Malapatan (Sarangani), ug Calanogas (Lanao del Sur).
Mga biktima: Daghang namatay tungod sa drowning ug landslides.
Mga lugar nga grabe naapektuhan:
Malapatan, Sarangani – 9 patay
Calanogas, Lanao del Sur – 7 patay
Bukidnon – 2 patay
