CAGAYAN DE ORO CITY – Taliwala na nga dili kalikayan ang 20 percent tax imposition sa interes sa savings account sa mga bank depositor,apan wala diritsuha sa gobierno ang pagpatuman.
Kini aron dili makuratan ang bank depositors sa gipatuman nga bank interest taxation sa gobierno kay gamiton sa batakang serbisyo sa katawhan sa nasud.
Miingon si Raymundo Talimio Jr,kanhi chairman sa MSMEs Misamis Oriental-Cagayan de Oro Development Council nga bug-at ra ang gipakang nga buhis alang sa mga ordinaryong bank depositors.
Siya miingon nga unta sa bag-o ang pa ang balaod, gilayon nang adunay gipalanog nga pag-reklamo niini aron adunay pag-amendar o hinay-hinayon ang pagpatuman sa withholding tax.
Tungod sa kadismaya,nasampit na lang ni Talimio nga hayan adunay bank depositors nga ipanglubong nila sa yuta ug dili na ibutang sa mga bangko ang ilang mga kinitaan.
Hisayrang nagsugod pag-epekto ang Republic Act No. 12214/Capital Markets Efficiency Promotion Act Marso 6,2024 apan gipatuman sa hingpit nga naglakip na sa ordinary bank depositors niadtong Hulyo 1 ning tuiga.
