Gisumiter na sa Department of Budget and Management (DBM) ngadto kang Presidente Ferdinand ‘Bongbong’ Marcos Jr ang sugyot nga P7.2 trillion national budget para sa tuig sa 2027.
Gikumpirma ni Palace Press Officer ug Presidential Communications Office (PCO) Undersecretary Claire Castro atol sa usa ka press briefing nga nasumite na sa DBM ang Fiscal Year 2027 National Expenditure Program ngadto kang Presidente Ferdinand ‘Bongbong’ Marcos Jr niadtong adlawng lunes, Agosto 10, 2026.
Matud pa ni Castro, ang maong sugyot nga budget kay maghatag ug prayoridad sa edukasyon, panglawas, panginabuhian, ug pagpalig-on sa mga komunidad ubos sa temang “People-Centered Growth for an Inclusive and Resilient Future” ug matud pa niya nga tumong niini nga himoong mapuslanon ang pampublikong pondo pinaagi sa pagpalambo sa mga serbisyo sa gobyerno ug paghatag og kahigayonan para sa mga pilipino.
Dugtong niini, ang maong sugyot nga budget kay ipasa ngadto sa kongreso sa Agosto 11, 2026 aron sa pagrepaso ug sa deliberasyon niini. (raniel mahunyag)
