CAGAYAN DE ORO CITY, Philippines – Hapsay ug napuno sa emosyon ang mga sundalo ni Ukraine’s President Volodymyrr Zelenskyy human nga nakabalik nga buhi sa ilang nasud, kagahapon.
Gikompirmar sa Russian Defense Ministry nga sa milabay’ng semana, hilom nga gilihok sa duha ka nasud ang kasabutan sa pagbinayluay sa mukabat 206 prisoners of war (POW).
Namahayag ang buhatan ni Andrey Belousov nga 103 ka mga POWs sa Ukraine, ug laing 103 ka mga POW sa Russia ang gi-swapped.
Ang tanan POWs, ihulog sa nasud sa Belarus, ug didto kini sugaton sa duha ka panig.
Giila ni Belousov ang pagpaningkamot sa gobyerno sa United Arab Emirates (UAE) nga maoy nangusog sa humanitarian mediation efforts. Kini na ang ikaduhang higayon nga nagkinambyuhay sa mga POWs ang duha ka managbangi nga nasud.
Si President Zelensky miingon nga lakip sa nakauli sa Kiev ang ilang 21 ka mga opisyal ug kapin 80 ka mga ground troopers.
Kahinumduman nga sa miaging semana, samtang nagselebrar sa adlaw sa kaugalignan ang Ukraine hugot nga gipalanog ni Zelensky nga hustisya ang ilang gipangita sa duha ka tuig nga paggubot sa Russian Troops sa ilang upat karehiyon.
