Giandam na sa House prosecutors ang listahan sa 25 ka testigo ug ang mga ebidensya alang sa umaabot nga trial proper batok kang Bise-Presidente Sara Duterte.
Mi-ingon si Representative Joel Chua, gipahigayon ang proseso sa ‘stipulation of facts’ ug ‘marking of evidence’ aron malikayan ang bisan unsang sorpresa sa dagan sa husay.
Gikumpirma usab ni Chua nga nakatakda na sa Hulyo 6 (sais) ang pagsugod sa trial proper sa maong kaso.
Gipahayag sa kongresista nga igo na ang usa ka conviction sa bisan asa sa upat ka gitumbok nga articles of impeachment aron mapapha sa pwesto ang Bise-presidente.
Tungod niini, hugot ang pagtuo sa prosecution panel nga lig-on ang ilang baruganan, sanglit dili na kinahanglan nga pamatud-an ang tanang articles aron makab-ot ang ilang tinguha.
