Mikalas sa 27 ka tawo ang dakung sunog sa Rong Beer Na Lat Phrao pub sa Chatuchak district, Bangkok Thailand.
Gawas sa mga nakalas laing 63 pa ang samaron sa insidente.
Ang insidente nahitabo pasado alas-12 sa gabie.
Gitratar kini sa mga otoridad nga pinaka-grabe nga sunog sa entertainment venue sa nasud sa bag-ohay nga mga tuig.
Una niini, usa ka musikero nga nagperform nakakita sa aso gikan sa circuit breaker duol sa entablado, dayon nadungog ang usa ka pagbuto ug dali nga napuno sa aso ang lugar.
Ang mga bombero nakontrol sa kalayo sulod sa 30 minutos, apan daghan na ang na-trap sulod.
