Mikalas sa tulo ka tawo ug napulo ang nasamdan tungod sa daghang pagpamusil sa Chicago, U.S. sa katapusan sa semana, base sa mga report sa media.
Sumala sa CBS Chicago, walo ka insidente sa pagpamusil ang natala hangtod alas-8:22 sa buntag niadtong Domingo, diin tulo ang patay ug siyam ang nasamdan, lakip na ang duha nga kritikal ang kahimtang.
Usa ka 35-anyos nga lalaki ang gipusil sa ulo sa sayo pa sa Sabado ug kritikal ang kondisyon. Wala’y nadakpan nga suspek sa maong mga insidente sumala sa report.
Sa datos, sulod sa 12 ka bulan hangtod Abril 7, adunay 1,878 ka biktima sa gun violence nga natala sa Chicago ug 356 niini ang namatay. (RIZA BUDLAO)
