CAGAYAN DE ORO CITY, Philippines – Dul-an 50 ka tawo na ang patay human gilampurnas sa Severe Tropical Storm Kristine ang Bicol Region, NCR, Calabarzon, Cordillera Administrative Region, Ilocos Region, Central Luzon, Cagayan Valley, MIMAROPA, Bicol Region, Zamboanga Peninsula, ug Western Visayas.
Gireport ni Office of Civil Defense chief Undersecretary Ariel Nepomuceno kang Presidente Ferdinand Marcos Jr., ang 46 ka mga tawong patay, sa gilusad nga command conference sa palasyo sa Malakanyang kagahapon.
Sa maong ihap, 28 ang nabangalan sa Bicol; 15 sa Calabarzon, ug tag-usa ka mga patay’ng lawas ang narekober sa Ilocos, Central Luzon ug Zamboanga Peninsula.
Hinoon, gitumbok ni Usec Nepomocenu nga gipaubos pa sa balidasyon kung namatay ba gumikan sa pag-igo sa Bagyong Kristine ang tanan nga mga biktima.
Nabalaka usab ni Nepomoceno nga musaka pa ang ihap sa mga fatalies human nagreport ang CDRRMC sa Batangas nga nakalot na nila ang ika-18 nga tawong patay sa ilang syudad.
Una niini, milusad sa aerial inspection si Presidente Marcos kuyog ang kadagkuan sa DILG ug DND kung unsa ka lapad ang mga lugar nga nabahaan, epekto sa bagyo.
Nag-unang direktiba sa presidente nga dili ihunong ang relief, rescue, ug retrieval operation bisan pa sa pagsulod sa laing bagyo sa Philippine Area of Responsibility (PAR) sunod semana.
