CAGAYAN DE ORO CITY-Patung-patong nga kaso ang gi-atubang sa duha sa lima ka drug target-listed personalities nga nadakpan sa mga operatiba sa PDEA-10 sa Brgy Kimaya,Jasaan,Misamis Oriental.
Giila ang gikasuhan nga sila si Dickson ug Val Oniel Sambaan, pulos hingkod ang panuigon ug molopyo sa San Nicholas,Brgy. Puntod ning syudad.
Nadakpan ang mga suspek sa mismong panimalay ni Dickson uban ang laing tulo ka suspek nga naghithit sa ginadiling druga nga si Mcdoe Eballe, Fernando Bomotano ug Fernan Macariola.
Misukol ang duha ka Sambaan hinungdan nga nakompiskar sa ilang posisyon ang duha ka armas nga may mga bala.
Kasong pagbaligya ingon paggamit sa gidiling droga ug illegal possession of firearms ang gipasaka batok mga suspek.
