(Update) CAGAYAN DE ORO CITY – Gi-depensa sa Police Regional Office 10 ang sunod-sunod nga dagkong kremin nga natigayon sa pipila ka syudad ug lungsod sa Bukidnon.
Kini human kompirmaha ni Police Regional Office 10 spokesperson Police Maj Joann Navarro nga lima ka tawo na ang patay sa nahitabong pagpamusil sa grupo sa mga lumad tungod sa pag-inilogay sa 80 ka ektaryang yuta sa Sitio Kiabakat,Brgy Songco,Lantapan,Bukidnon.
Giila ni Navarro ang mga namatay kay gipangpusil ug gitigbas sa pamilyang Sayawan nga sila Daniel Lugnasan,Rachel Cruz,Rocky Cruz,Winlove Sinto ug Salyawan Pena kinsa menor de edad nga nadala pa’g ospital ug bugtong survivor na lang si Mael Lugnasan.
Namugos si Navarro nga anaa pa gihapon ang pagsalig ni PRO 10 regional director Brig Gen Lawrence Coop sa bag-ong liderato ni Bukidnon Provincial Police Office Director Col Reynante Reyes.
Samtang gipangunayan ni Bukidnon Provincial Police Director Col Reynante Reyes ang imbestigasyon sa dakong kremin nga natigayon diin mi-resulta sa lima ka kinabuhi ang nakalas sa lungsod sa Lantapan,Bukidnon.
Nakadawat sa mando si Reyes gikan kang PRO 10 Director Brig Gen Lawrence Coop nga dalion ang pagsulbad sa maong kremin.
Miingon ang opisyal nga gipahikay na niya ang kasong multiple murder ug frustrater murder batok kanila ni Dindo,Elfredie ug Julie Saway ingo man kanila ni Aban Calipano ug Jerney Guinayon kinsa pulos gawasnon pa ning panahona.
Siya miingon nga milihok na usab ang tribal chieftain sa nagkabanging pamilya aron likayan nga mosamot kainit ang bangi sa yuta sa lugar.
