Kapin 50 ka mga barko nga iya sa Chinese Militia ug Chinese Coast Guard (CCG) ang nagkatag sa Rozul o Iroquois Reef sa West Philippine Sea sugod Hunyo 18.
Nasapon sa Philippine Coast Guard ang pagpunsisok sa mga ilegal nga mga barko dihang milusad sila sa maritime domain awareness flight sa Rozul Reef, kuyog ang prensa.
Sama sa gilauman, mihimo’g radio challenge ang PCG aron ipasabot sa Chinese Militia nga sila nakalapas sa Philippine Maritime Zones Act – sa UNCLOS o United Nations Convention on the Law of the Sea, ug sa 2016 Arbitral Award.
Namahayag si Commodore Jay Tarriela, tigpamaba sa PCG-West Philippine Sea nga nahimo nang pattern ang pagsita sa PCG sa Chinese Maritime Militia (CMM), apan, kanunay kining respondehan sa Chinese Coast Guard (CCG).
Kini ang nakitang rason sa PCG nga musaka ang tensyon kay nagtuo ang CCG nga mi-inisyar sa kagubot ang Pilipinas.
Hisayran nga ang sulod pa sa Exclusive Economic Zone (EEZ) sa Pilipinas ang Rozul Reef nga pugsanong ga-angkonon sa China, gamit ang ilang South China Sea 10-dash line.
Barko ug eroplano ang gigamit sa PCG sa pagbantay palibot sa West Philippine Sea.
