CAGAYAN DE ORO CITY – Gihinaut ni Cagayan de Oro Archdiocese Archbishop Jose Cabantan nga masabtan sa mga parokyano ang pagsira sulod sa napulo ka adlaw sa unom ka simbahan nga gilakipan sa duha gikan dinhi sa syudad ug laing upat sa Misamis Oriental.
Kini human kompirmaha ni Cagayan de Oro Archdiocese consultor Msgr Rey Manuel Monsanto,head sa CdeO Archdiocese on COVID-19 Task Force nga mismo ang mga pari sa maong mga simbahan ang natakdan sa bayrus.
Miingon si Monsanto nga kabahin sa ilang mga kauban nga anaa sa ospital aron proteksyonan batok sa bayrus sila si Msgr Tex Legitimas,kura paroko sa San Isidro Labrador Parish sa Brgy Gusa;Msgr Perceus Cabunoc,kura paroko sa Sr Jesus Nazareno Parish sa Brgy 26;Fr Macky Ceballos ug empleyado sa Bishop’s House ug laing upat ka kura paroko sa Our Lady of Candelaria sa Tagoloan;Immaculada Concepcion ingon man sa Our Lady of Mt. Carmel nga pulos anaa sa Jasaan ug Santa Cruz Parish sa Laguindingan ning lalawigan.
Hinoon,dili grabe ang mga kahimtang sa maong mga pari samtang anaa sa nagkadaiyang pribadong ospital dinhi sa dakbayan.
