Kapin sa 60 ka tawo ang namatay ug 50 pa ang nasamdan niadtong human mi-atake ang mga armado nga kabatan-onan gikan sa silingang Unity State.
Subay sa report, ang grupo milusad sa koordinadong mga atake sa Warrap State sa South Sudan.
Ang mga pag-atake gikompirmar sa mga awtoridad niadtong Lunes.
Sumala ni Warrap State Information and Communication Services Minister William Wol Mayom Bol, ang mga pag-atake gitumong sa Ariec cattle camp sa Tonj North County ug sa Pan-Ariik community sa Akok village kundiin usa kini ka tinuyo nga koordinadong lihok, nga miresulta sa lapad nga ihap sa nakalas nga kinabuhi, pagpangawat sa kabtangan, ug dili matino nga gidaghanon sa mga hayop.
Si Bol miingon nga anaa sa 37 ka tawo gikan sa Pan-Ariik community ug 11 gikan sa Apuk-Padoc ang namatay sa maong pag-atake, samtang 15 ka attackers gikan sa Nuer community sa sidlakang Unity State ang napatay usab atol sa pagsulong sa Ariec cattle camp.
Anaa pa sa 17 ka tawo ang natalang kritikal sa insidente
