Misaka pa sa 62 ka tawo ang patay sa naunlod nga MV Trisha Kerstin 3 sa Basilan.
Subay sa ulahing report, dugang upat ka lawas ang napalgan, nga nagburot ug nanglutaw sa Baluk-Baluk Island.
Lakip sa narekober ang duha ka babaye ug duha ka lalaki.
Wala pa maila ang mga dugang patay apan gi-abisohan na ang mga pamilya nga nawad-an nga duawon kini sa ilang headquarters sa Basilan.
Mahinumduman nga niadtong Pebrero 15, laing tolo ka lawas ang narekober, ug laing usa sa pagka petsa-16.
Sa pagkutlo ning balita padayon ang search-and-recovery operations nga gipangulohan sa Philippine Coast Guard ug Philippine Navy, sa pakigtambayayong sa mga lokal nga gobyerno ug daghang mga boluntaryo, human ang barko nalunod sa kadagatan sa Basilan niadtong Enero 26.
