Gisaulog karong adlawa ang ika-79 nga Founding Anniversary sa Philippine Air Force sa Villamor Air Base sa Pasay City, diin nangulo si Presidente Ferdinand “Bongbong” Marcos Jr. sa selebrasyon.
Sa iyang mensahe, gidayeg sa Presidente ang Philippine Air Force isip usa ka mission-oriented, capability-driven, ug values-based nga institusyon sa pag-alagad sa nasud.
Gidasig usab niya ang mga airmen ug airwomen nga magpabiling propesyonal, disiplinado, ug adunay integridad samtang nag-atubang ang nasud sa nagkakomplikado nga mga hagit sa seguridad. Gipahinumdoman usab sa Pangulo ang tanang miyembro sa Air Force nga magpabiling matinumanon sa ilang konstitusyonal nga katungdanan sa pagpanalipod sa katawhan ug sa demokrasya.
Hisayran nga ang Philippine Air Force gitukod niadtong Hulyo 1, 1947, ug padayon nga adunay dakong papel sa depensa sa teritoryo sa nasud, humanitarian operations, ug disaster response.
