Wala nay balikan nga puy-anan ang dul-an 1000 ka pamilya nga namuyo sa Spokane, estado sa Washington DC, Amerika.
Ang mga nasunog nga balay maoy epekto sa cluster wildfires nga nasinati sa estado.
Kini nga dakbayan kinsa ikaduhang pinakadako sa estado, ug maoy grabeng naapektuhan sa dagkong kalayo.
Miresulta ang sunog sa pagka-abo sa kapin sa 900 ka balay ug mipugos sa 64,000 ka residente nga mubakwit
Hisayran nga ang sunog sa Spokane sa Eastern Washington naglakip sa tulo ka nag-unang kalayo nga gitawag nga Spokane Complex Fire, nga naglangkob sa Old Trails Fire, Fairview Fire, ug Autumn Lane Fire.
Ang kusog nga hangin ug uga nga kondisyon maoy nakapadali sa pagkaylap sa kalayo, nga nagresulta sa dakong kadaot sa mga komunidad ug kabtangan.
Sumala sa mga opisyal, pipila sa mga evacuees nakabalik na sa ilang mga balay samtang nagpadayon ang mga bombero sa pagpugong sa nahabilin nga mga hotspot.
Ang panghitabo giila nga usa sa labing grabe nga natural nga katalagman sa kasaysayan sa rehiyon sa Washington
