CAGAYAN DE ORO CITY-Kumpirmadong patay ang usa ka pulis ug upat ka bulan nga batang babaye samtang lima ang samaran human gi-ambush sa mga rebeldeng New Peoples Army ang patrol car sa Bumbaran Police Station sa Brgy Tigkalaan,Talakag Bukidnon.
Giila ang namatay’ng biktima nga sila si SPO3 Arnel Carillo nga nadestino sa Bumbaran Police Station sa Lanao del Sur.
Samaron usab sila si SPO1 Pacifico Cabudoy; PO1 Nathaniel Ibal ingon man si Insp Joven Acuesta kinsa kumander sa Bumbaran Police Station.
Una nang gikompirmar ni Talakag Police Station commander Sr/Insp Jessie James Lasdose nga samaron usab ang mga iyaan sa namatay nga bata nga sila si Sittie Ataly Ali,54 anyos;Amin Laguindab Ali,37 anyos nga pulos nagpuyo sa Kili-kili,Wao,Lanao del Sur nga nadamay sa pag-ambush sa mga rebeldeng NPA.
