(Update)CAGAYAN DE ORO CITY-Gikonsiderar karon sa kapolisan nga atake sa kasingkasing ang rason sa kamatayon sa bank manager nga nakit-an sulod sa iyang gi-manehong sakyanan diha sa national highway sa Brgy Lapasan ning syudad sa miaging semana.
Kini human unang gibutyag sa imbestigasyon nga walay samad nga nakit-an sa lawas sa biktima.
Gibutyag ni SPO1 Francis Michael Fortunado sa Agora Police Station nga unang nakit-an ang biktima nga si Dominador Sanchez Jr,40 anyos nga nakasakay na kini sa kotse apan natingala ang ubang empleyado kay wala gilayon makapadagan ug nabuntagan.
Kini ang hinungdan nga gihangyo ni Fortunado ang ubang empleyado sa Philippine Business Bank nga kon masayran gilayong modangop kanila aron masulban ang nahitabo kang Sanchez.
