CAGAYAN DE ORO CITY-Nagtoo karon ang Special Investigation Task Group o SITG Roturas nga mapadali na ang pagsulbad sa kamatayon ni USTP president Dr Ricardo Roturas ning syudad.
Kini human gikalipay sa kapolisan ang tanyag ni City Mayor Oscar Moreno nga mohatag P1 milyon cash reward sa mga tawo makatudlo sa utok sa kremin.
Gibutyag ni C/Insp Mardi Hortillosa,tigpamaba sa Cagayan de Oro City Police Office o COCPO nga anaa pa sila sa pag-ila sa mga kriminal hinungdan nga padayon ang paningkamot sa SITG pagsulbad sa kaso.
Una niini,nagtoo si Moreno nga adunay dagkong tawo nga nalambigit sa kamatayon ni Roturas hinungdan nga gilugwa niya ang reward money aron mapadali ang pagsikop kanila.
