PC:Owner
CAGAYAN DE ORO CITY-Nagsaka pa sa 30 ka tawo ang kumpirmadong namatay tungod sa pagbaha ug dahili sa yuta dala sa bagyong Vinta sa rehiyon-10.
Kini human gibundakan sa mga kusog nga pag-ulan ang rehiyon ilabina sa Lanao del Norte ug Bukidnon diin natala ang taas nga ihap sa mga tawo nga namatay.
Miingon si PNP regional spokesperson Supt Lemuel Gonda nga kabahin sa mga namatay, ang pipila ka menor de edad nga gikan sa Bukidnon, Iligan City ug Lanao del Norte.
Nagpabiling gipangita na usab sa rescue team ang laing usa ka tawo nga missing atol sa kalamidad.
Nasayran nga ubos sa PNP record, anaa sa kapin 4-mil ang mga pamilya nga naapektuhan sa trahedya kagahapong adlawa.
