PC:PNP-10
CAGAYAN DE ORO CITY-Gi-sorpresa sa PNP-10 sa drug test ang ilang mga opisyal ug non-uniform personnel o NUP sa Camp Alagar,Brgy Lapasan sa syudad kagahapon sa hapon.
Gibutyag ni PNP regional spokesperson Supt Lemuel Gonda nga gikan nag-command conference ang ilang mga opisyal dihang gilayon sila gipaubos sa drug test.
Miingon si Gonda nga kabahin gihapon kini sa gihingusgan ni PNP regional director C/Supt Timoteo Pacleb nga pagpapha sa mga pulis nga naggamit sa gidiling droga.
Una niini,gipaubos na sa Regional Holding and Accounting Office o RHAO unit ang usa ka police officer gikan sa Bukidnon PNP nga nakit-ang positibo paggamit sa shabu ning tuiga.
