CAGAYAN DE ORO CITY-Namiligro nga motaas pa ang ihap sa mga tawong namatay epekto sa bagong Vinta nga grabeng miigo sa Lanao del Norte sa miaging semana.
Kini human pabiling missing ang 86 ka residente gikan sa lima ka lungsod sa maong probinsya.
Gibutyag ni Tata Obdina,staff sa Lanao del Norte Incident Command Post nga anaa na sa 119 ka tawo ang kumpirmadong namatay sukad miigo ang maong bagyo.
Siya miingon nga kabahin sa naigo sa pagbaha ang mga lungsod sa Salvador,Tubod,Munai,Kapatagan,Sapan,Maigo, Kauswagan,Lala,Kolambogan,Tangcal ug Bacolod.
Una nang gibutyag sa PNP-10 nga anaa sa 135 ka patay’ng lawas ang narekober sa kapolisan paghuman sa kalamidad diin nagsumikad sa Bukidnon,Iligan City,Misamis Occidental ug mismong Lanao Norte.
