CAGAYAN DE ORO CITY-Naghikog-patay ang usa ka menor de edad tungod kay naglisod siya sa pagpanguyab sa iyang nagustohan nga babaye sa Upper Balulang niing syudad.
Giila ang biktima nga si Erick Nale, 17-anyos, construction worker ug lumad nga taga-Naawan Misamis Oriental.
Matud ni Carmen Police Station deputy station commander Sr/Insp Mario Mantala nga ang pagka-torpe sa biktima maoy hinungdan sa iyang paghikog.
Gani, may narekober sila nga love letter sa kwarto sa biktima alang sa babaye nga iyang panguyaban kinsa ginganlan og Meme.
Hisayran nga naghikog ang biktima gamit ang habol nga iyang gihikot sa iyang liog.
