CAGAYAN DE ORO CITY-Nahikling ang kapin libo ka residente sa evacuation centers tungod sa bahad sa baha dala sa bagyong Agaton nga unang nag-landfall sa Dinagat ug Siargao Islands, Caraga Region kaganihang kadlawon.
Miingon si Gov Bambi Emano nga ang mil-473 ka tawo o 342 ka pamilya ang naggikan sa kalungsuran sa Talisayan, Sugbongcogon, El Salvador City, Claveria ug Kinoguitan diin gisugdan ang paghikling kagahapong adlawa.
Hinoon, balik na sa orange code ang status sa lalawigan gikan sa red alert nga giisa kagabii.
Samtang gipaisa pa gihapon ni City Mayor Oscar Moreno sa yellow code o anaa sa pre-emptive position ang katawhan sa dakbayan.
Kini bisan nga nag-landfall na ang mata sa bagyong Agaton sa Caraga Region kaganihang kadlawon.
Gibutyag ni Emergency Operation Center head Sol Mosqueda nga samtang dili pa mawala ang pagsilbing public storm signal no.1 sa syudad, magpabiling alerto ang CDRRMD.
Kabahin sa nadala sa evacuation centers kapin 200 ka tawo gikan sa kabarangayan sa Bonbon, Puerto, Cugman ug Carmen ning syudad.
