CAGAYAN DE ORO CITY-Gitin-aw ni kanhi RTA overseer Atty Egay Uy nga wala siya miluwat sa iyang puwesto.
Sumala ni Uy nga nahupas na ang iyang kontrata epektibo sa katapusang adlaw sa tuig 2017.
Gibutyag ni Uy nga gipasalamatan niya ni City Mayor Oscar Moreno sa tahas nga gisangon kaniya aron mapahapsay ang dagan sa trapiko sa syudad.
Gi-angkon ni Uy nga anaa sa kinaiya ug disiplina sa matag tawo ang yawe aron muluag ug mahimong hapsay ang trapiko sa syudad.
Gani, atol sa iyang pagbiya, naglaum ni Uy nga masulbad sa mohulip kaniya ang kahadlok sa RTA enforcers batok sa pipila ka naghari-hari nga city officials ug trabahante sa gobyerno nga dili gusto mabadlong ug nagpadayong road violators.
Wala na mihatag detalye si Uy kon kinsa ang gihulip sa iyang gibakantihang puwesto.
