CAGAYAN DE ORO CITY-Posibleng apektado sa ilusad sa LT0-10 nga road worthiness ang 90 porsiento sa passenger jeeps alayon sa transport modernization program sa gobierno.
Kini nunot sa naka-schedule nga pag-renew sa daghang mga sakyanan nga naglakip sa mga jeep pasayruhan ning tuiga.
Miingon si NCTU regional coordinator Joel Gabatan nga ang istrikto nga pagpatuman sa LTO sa maong gabayan ang paagi aron ma-phaseout ang mga sakyanan nga nag-edad 15 anyos pataas.
Kini ang hinungdan nga angay mag-alerto ang operators ug drivers niini aron sila makapangandam sa kakuhaan nila sa panginabuhian.
Dugtong usab niini,gihupay ni LTFRB regional director Allan Guro nga pabiling anaa sa tulo ka tuig ang gihatag sa gobierno nga transition period alang sa transport sector.
Giangkon ni Guro nga dili basta-basta mapatuman ang programa ilabina nga kulang pa ang units aron magamit isip hulip sa mga ma-phaseout nga mga sakyanan.
