CAGAYAN DE ORO CITY-Gilahugay karon ni City Mayor Oscar Moreno ang pipila ka department heads diha sa city hall ning syudad.
Kini tungod sa tuyo nga mapalig-on pa ang pag-serbisyo sa katawhan sa dakbayan.
Miingon si acting City Administrator Teddy Sabugaa nga kabahin sa apektado sa lahugay ang buhatan sa Roads and Traffic Administration,CLENRO ug Regulatory and Complaint Board.
Si Subagaa ang gitudlo ni Moreno nga mangulo sa city administrator’s office tungod sa pag-retiro ni Dionne Gersana samtang pabiling huptan pa gihapon niini ang buhatan sa CWSD.
Gipanguluhan usab ni CDRRMD consultant retired army Col Venner Monsanto ang RTA samtang si Atty Egay Uy ang mangulo sa RCB.
Si Edwin Dael ang promoted na isip asst dept head sa PESO samtang gihulip kaniya si Engr Armen Cuenca gikan sa City Hall Employees Multipurpose Cooperative o CHEMCO.
Gani,si Gersana ang gitakdang mobalik usab sa pagserbisyo sa city hall apan wala pa mabutyag kon asa mapahiluna sa mosunod nga mga adlaw.
Gipasabot ni Sabugaa nga ang kabalhinan ang nagtinguha usab nga masiguro nga mapatuman ang nalatid nga 8 point agenda ni Moreno ning tuiga.
