CAGAYAN DE ORO CITY-Napakyas ang Dept of Health o DoH-10 sa zero firecracker related injury sa Northern Mindanao atol pagsugat sa bag-ong tuig.
Kini human kompirmaha ni Nur Aian Caridad,health and education promotions officer o HEPO 3 sa DoH-10 nga tulo ang ilang natala nga nabuthan sa pabuto.
Miingon si Caridad nga hayan mosaka pa ang ihap sa mga nabuthan ilabina nga partial-unofficial pa ang nahuptan nila nga data ning panahona.
Gibutyag ni Caridad nga naggikan ang mga biktima mismo ning syudad,lakip sa Misamis Oriental ug Bukidnon.
Gitumbok usab nga ang piccolo ug improvised ‘lantaka’ ang nakaangol sa mga biktima diin nag-edad gikan 2 hangtod 12 anyos.
Sa miaging tuig,mitala ang rehiyon sa 28 ka kaso sa mga nabuthan diin mas ubos itandi sa 131 itandi sa tuig 2013.
Una na usab gikompirmar ni Bukidnon PNP spokesperson Sr/Insp Jiselle Longgakit nga samaron kay nabuthan sila si Brent Gallardo ug Gilbert Ngayao atol sa pagsugat sa bag-ong tuig gikan sa lungsod sa Maramag ug Malaybalay City.
