CAGAYAN DE ORO CITY-Gibalhin sa provincial jail si SPO3 Alejandro Ubanan gikan sa Lumbia City Jail ning syudad.
Kini human giingong mihangyo ang abogado ni Ubanan nga ilikay siya sa iyang laing upat ka kauban kay nagbinasulay na sila sa kamatayon ni Enrique ‘Eking’ Fernandez niadtong Oktubre 2016.
Miingon si Misamis Oriental Provincial Jail overseer Rhoel Factura nga gibutang nila sa selda uno si Ubanan subay sa mando sa korte.
Unang migawas ang report nga gikabangi ni Ubanan si SPO1 Alaindelon Tacubao sa ilang pagka-priso tungod sa Fernandez case.
Nasayran nga kasong murder ang giatubang nila ni Ubanan,Tacubao ingon man nila ni Sr/Insp Ereneo Ramirez;SPO2 Jojo Lim ug PO2 Sangkula Hussein nga pulos sakop sa gibungkag nga Crime Against Person and Property Desk sa COCPO.
