CAGAYAN DE ORO CITY- Gi-depensa sa Special Investigation Task Group -Rotoras ang ilang hinay nga pag-resolbar sa kamatayon ni USTP ug PASUC national president Dr Ricardo ‘Ric’ Rotoras sa syudad sa miaging Disyembre 2017.
Kini human angkona sa SITG-Rotoras nga wala pa gihapon sila’y natumbok nga utok sa pagpapatay kang Rotoras.
Miingon si SITG Rotoras spokesperson C/Insp Marid Hortillosa nga anaa pa sila dugang pagtigom sa mga ebedensiya aron matumbok ang motibo sa kamatayon ni Rotoras.
Gani,anaa pa ang 2.5 milyon pesos nga reward money nga ihatag sa mga tawo nga makatabang sa pagsulbad sa maong kremin.
Si Rotoras ang gipusil-patay sa duha ka suspek samtang pasulod na unta sa iyang pinuy-anan sa Golden Glow Village North Subdivision sa Upper Carmen ning syudad niadtong Disyembre 2,2017.
